تعلمت الوفاء من صغر سني¤ وطبع الصدق يادنيا طباعي؟ أراسل صاحبي لا غاب عني¤ وقلبي يذكره في كل ساعي؟ أحبه وأفقده لوما أفتقدني¤ وفي بحر الوفا باسط شراعي؟ أرد الجمل لأهل الجمل مثني¤ وأرد الصاع لأهله بألف صاعي؟ وأقدر وأحترم من يحترمني¤ وذكره بنفرادي وإجتماعي؟ أساسي بالوفاء والعز مبني¤ وشامخ كالأسد بين السباعي؟ بربي دايمن ماخاب ظني¤ برزقي مقتنع كل إقتناعي؟ قبيلي محترم عارف بوزني ¤ بقانون الصحب فاهم وواعي؟ فإن الجيد بالأصحاب يعني¤ صديقي مثل أخي زندي ذراعي؟ فإني تحت أمره لو أمرني¤ لأمره دايمن سمعن وطاعي؟ أسامح صاحبي لو قد شتمني¤ ومن حاول ومن فكر خداعي؟ وأكره صحبة الأنذال إني¤ على الأنذال أعلنت إنقطاعي؟ وبعض أصحاب تشبه صنع صيني¤ صناعه صينيه صحبه صناعي¤ صحبهم للمصالح والتمني¤ أنا والقلب فيهم في صراعي ؟ من أهل المصلحه قهري وحزني¤ وقلبي نار يشعل في ظلاعي؟ رسولي بلغ الأصحاب مني ¤ رسايل بالخصوصي والجماعي؟
شعر
صدام الحجي
December 9th 2015, 6:32 pm
سلام مليون لهل العز عديته لكل صاحب وفي له كل ما كنيت جباه تقدير بالمليون جبيته من عز الافكار جاني وقت ماجيته ياهاجسي قول فانا في نواك انويت نويت ياهاجسي فيماقد انويته سريت بك في دروب العز وتمشيت والصدق والود سايرني وسايرته من اجل الاصحاب في عز الظلام اسريت واخترت حب الوفي والشوم فكيته ذي حبني في المخوة صدق له حبيت والصاحب الجيد خاواني وخاويته عزيت قدر الصداقة والصحب عزيت وانسان حب المخوة صدق حبيته درست مكر الزمن في كل شىء ورسيت في ساحل العز شل اسمي وشليته وانا بعز من اهداني وفاه اهديت ومن جهلني تجاهلته وصديته انا بحب الاصالة عشت وتربيت بين الذيابه ولي في الراي ماريته وانا الذي قد صبر في كل ماقد ريت وانا بشر من يداعيني فداعيته وانا الذي حط حيث اهل الوفاء حطيت وانا الذي من تحداني تحديته انا بدم الاصالة للبشر خطيت عنوان بارز لكل الناس خطيته ياهاجسي طول لاصاحبت حد بقيت وانه مرخي فلاصاحب ابقيته ان شفت صاحب يشد احبالهاشديت وخل حبل الصحب لاشتد رخيته وان شفت خصمك يمد الكف لك مديت وانه معاديك طول العمر عاديته كن بالسماحة وفي واصبر اذا فزيت واحفظ صديقك ولاشي سر خبيته واحذر صديقك ولوفي حبة اغتريت قد ربما يقتلب ضدك بتشميته ويعارضك بالخيانة وانت ماسويت هذا الصديق الذي قدكنت عزيته واحذر من الشك وتحرى اذا شكيت ومن مرض من طباعك صدق داويته خليك صادق اذا اعطيته ولاشليت والصاحب الجيد لا سقاك سقيته صادق وصاحب وخذ من صاحبك مشتيت وفاء ونخوة وعزة شل ماشتيته واعطة شهامة وعشرة حسب ماتمنيت سخاك لاصاحبك يعطيك وعطيته ومن يحييك في حب الصحب حييت ومن يحاكيك بالاخلاص حاكيته وصاحب المصلحة مثل العسل والزيت يشل منك عسل واعطاك من زيته يلعب بوجهين قدامك ولاقفيت يلعن ويشتم اذا قد راك قفيته وانك امامة يقول انت الذي خاويت وليت والله منته صدق خاويته ذي بايبيعك اذا اتغديت وتعشيت ولاتعشاك قالك ماتعشيته راجع زمانك ولامليت به مليت واصبر على الوقت من حناك حنيته وعتز بنسان يتوصاك لاتوصيت ومن يراعيك بالمعروف راعيته خليك صادق ولا تغتر لاعليت وستحقر الشوم لاقد راك اوريته والكبر لاتح..ملة وان كنت فية اخطيت
شعر
صدام الحجي
December 9th 2015, 6:31 pm
أمنتك الله لا يطول غيابك وش تنفع الدنيا بليا وجودك ؟ يمكن غيابي ما يسبب عذابك لكن عذابي يا عذابي صدودك غالي وتبقى غالي في غيابك لكن يزيدك من غلاتك وجودك !! 452
شعر
Unknown User
December 2nd 2015, 8:17 am
دنيا تعلمنا عن افلان وفلان وتكشف حقايق ليتنا مكتشفنا تضهرالخاين ومن كان له عان عن الغدر ميختبي في زمنا وحبي امل قد هجروصلي الان و ختار غيري بلغدر قد طعنا ونا له الوافي وفي الحب خلان لكن اسف وش غيره عن هدفنا من مبتداء هامور ونهايتي كان اني عشقت انسان سره غدرنا
شعر
عزوزقال والوداع
November 23rd 2015, 5:01 pm
خاويت لي ثعلب وخاويت لي ذيب و خذت من هذا وهذا فوايد الثاني ارقاني بروس المراقيب والأول اوقعني بوسط المصايد سايرتهم من شان فهم الأساليب حتى كسبت من التجارب شهايد حتى عرفت اطباع بعض الأصاحيب وعرفت ويش اختار وقت الشدايد ما كل من خاواك يرهي لك الطيب ولا شك بالأجواد ناقص وزايد رجل على الشدات ماعنه تجنيب ورجل على الشدات خله محايد ولا كل هقواتك مع الناس بتصيب هذا على ما قيل علم الوكايد كم واحدٍ تهقى به الطيب ويخيب تقول ما عنده سلوم وعوايد وكم واحدٍ تطوي به الجرح ويطيب في ساعة الشده وسيع البنايد هذا حصاد الفكر بعد التجاريب و تجارب الأيام تعطي فوائد
شعر
Unknown User
November 22nd 2015, 1:34 pm
قالوا حبيبك راح واختار دنياه قلت ان تركني قربوا الموت ليه الموت ارحم من حياتي بلياه يا كيف ببقى في حياتي هنية يا موت خذني قبل لا شوف فرقاه خذني دخيلك قبل تصبح عليه اختار غيري يوم انا حيل اهواه اختارها لجل الحياة الدنية ماقول غير الله يسامح خطاياه ويجيه رزقه كل صبح وعشيه صحيح احبه واعشقه واتمناه لو هو تركني دون ذنب وخطية ايه اعشقه والقلب عايش بذكراه واعشق ترابه واندفن فيه حية يا عين هلي دمعتك وقت طرياه واسقي عيونه لا لفتني المنية اهات من وقت حرمني ملاقاه واهات من حظ تركني ضحية قسمة وكل في جبينه معاناة وانا انكتب لي دايم ابقى بحياة شقية
شعر
Unknown User
November 22nd 2015, 1:32 pm
الكون موحش والزمن فاقد إحساس.. والهم ينســج مــن خيالـــــــي قصيده.. أكتب همومــــــي بالقلم فوق قرطاس.. وأرسم معاناة الجـــــــــروح الجديده.. القلب وش خلاه مخنـــــــوق الأنفاس.. بين الضلـوع العوج ينـــــــزف وريده.. الا الفــراق وغـــــربة النــــاس للناس.. وبعض السوالــــــف والعلوم المكيده.. ياقلــب لاتحــــــــزن ولا يغلبك ياس.. إرتاح و إستبشــــــــر بلحظه سعيده.. أقولها ياقـــــلب لا بـــــــــاس لا باس .. لاتقهرك ســـــــود الليالـــــي العنيده .. اللي ذكر طيبي على العيـــن والراس.. واللي تجاهلني تجاهلـــــــت سيــــــده.. ماهمني من باعنـــــــي دون مقيـــاس.. عزيت نفســـي والأمانـــــــــي بعيده .. أنا كذا طبعــــي مع كــل الأجنــــاس.. القلب عزيتـــــه و شديــــت قيـــــــده.. حوله من الأضــــــــلاع حطيت حراس.. تحميه من غدر الليالـــــــــي الشديده.. اللي يذوق الغدر صافــــي من الكاس.. لابــــد يتعلم و علمــــــه يفيـــــــــده .. ضويت لي في ســــود الأيام نبراس.. يهدي حياتي للــــــدروب الرشيده.. محشوم فكري عن تفاكيــــر الأدناس.. نفسي عن الهفوات دايـــم زهيـــــــده.. واللي يحاول يسرق اللولو والألمـــــــاس.. ماطالته عينه ولاطالــــــته إيـــــــــده .. يبطي ويشهر للبشر ذل الأفـــــــــلاس.. لابدد أمواله بيفلـــــــس رصيـــــــــده .. ماكل صيد يجيبه الحــــر قرنــــــــاس .. يموت بالرمضا ولاهـــــو يصيــــــــده.. واللي يحاول يكسر الراس بالفـــــــــاس.. مثل الذي بيده يكســــر حديـــــــــده.. كتبتها جمله أنا بيـــــن الأقـــــــــواس.. (لاتقرب النيران جسمك تبيـــــــــده).. أعوذ بالرحمن من كـــل خنـــــــــاس .. من الوساوس والحياة البليـــــــــده .. ياوجد حالي كل ماهب نسنـــــــــاس .. سافرت بافكاري لدنيــــا بعيـــــــــده .. أتذكر اللي غاب من خيرة النـــــــاس.. اللي وصوفه في خيالي فريـــــــــــده.. محشوم وافي طيب العرق والســــاس.. بين البشــر مافيه شخص نديــــده .. نسله من الأحرار والعرق دســـــــاس.. غيب عن عيوني بساعــــه نكيـــــــــده .. بصبر على فرقاه والقلب حســـــــــاس.. حياتنا ماجت علــــــى ما نريـــــــــده . 627
شعر
Unknown User
November 22nd 2015, 2:48 am
حسبت العمر ودموعي فعيني لقيت الوقت يأخذ من سنيني ذكرت الموت والقبر وعذابة وطاحت دمعتي ياشيب عيني رجف قلبي بوسط الصدر رجفة شعرت ان المناية تهتريني ذكرت ذنوب يالله سترها وترحمني قبل موتي يجيني وقمت اذكر جميع انسان غالي وأول ما طرالي نور عيني ذكرت امي وفاض الدمع كله عسئ ربي يصبر والديني دخيلك ذكريهم بالنهاية جميع الناس مثلي راحليني أنا بنصح جميع انسان غافل تراء الدنيا ضياع الغافليني ولو تبني قصور وندب عالي تراء مستقبلك حفرة وطيني الا ليت المنايا وسط مكه وسط الحجاج الساجديني فمان الله ياصحبي وربعي عسئ الموعد فحوض الصالحيني
شعر
Unknown User
November 20th 2015, 10:17 pm
