يقول الشاعر / ياقبر قلي عن زمــــان الاقامـــــة كم عام يقدر ينتقل منـك راعـــــيك ودي توضح لي شروط السلامـــة من ضمتك من ظلمتـــك من بلاويك رد القبر / ياذيب من ينشد يثمـــن كلامـــــه راجع خطياتك وراجع حسانيـــك تبقى بجوفي لين يــوم القيـــــامة محدن يجي عندك ولا يتصل فيك رد الشاعر / وان كانت الاعمال خامة وخامـــة منها ذهب صافي ومنها سراميك ممكن تفيد المعـــــذرة والنـــــدامة بعد نزولي بالكفن في ضواحيــك رد القبر / فوقك ليا جات النصايب علامـــة ثنتين توضع عند راسك ورجليك ماعاد ينفعـك العتــب والملامـــــة من حين روحك ترتفع عند باريك رد الشاعر/ ياقبر ما دورت منــك الكرامـــة ارجو عفو ربي ولاني براجيك اللي بديه الامر ماسك زمامــه رب الملوك ورب كـل المماليـــــك رد القبر/ ياذيب في هذا التحدي غشامــه بلا عمل ماهو مناسب تحديـــــك اوصيك عهد الله صون التـــزامه مني ومن بعدي من النار ينجيك رد الشاعر/ ياقبر زودت المخـــاوف جسامـــــه زدني نصايح نافعه قبل ما جيـــك اخاف اجي لك فوق ظهري غرامة وتسديدها ما يقبل الدفع بالشــيك رد القبر / اقرأ كتاب الله وافهــــم نظامـــــه وتلقى الذي يعني لغيرك ويعنيـــك واختار ما يعنيك وامسك خطامـــه ما دمت حي خطام الاعمال بيديك
شعر
December 12th 2014, 8:21 pm
في غيبتك تثقل علي الدقايق والوقت مع غيرك ماعاد ينطاق ربطتني مابين عهد ووثايق وخليتني بس للقصايد والاوراق واليوم اقولك دون كل الخلايق ماعيني لغيرك من الناس تشتــــــاق
شعر
December 11th 2014, 10:24 am
مـدام لك ربٍ عـن الخلق يكفيك لا تشتكي للخلـق قاصي وداني أسجد وقـلّ يارب ماخاب راجيك وأبشر بـ تحقيق الرجا والأماني
شعر
December 11th 2014, 7:29 am
يا شاري الدنيا على ايش فرحان فرحتك يا " المسكين " جدًا حزينة دام الصلاة بـ جدولك ماآ لها شان ابنشدك بـ "الله" وين السكينة !؟
شعر
December 8th 2014, 2:25 am
ضايق وأعرف علاج صدري ليا ضاق سورة تفرج هم وتزيد قدري شيلوا القصايد و الدفاتر و الأوراق وهاتوا لي"القرآن"لا ضاق صدري
شعر
December 8th 2014, 2:23 am
أطلب الله وأغتنم باقي حياتك والعمر فاني ولا لك منه صده والوصل بينك وبين الله صلاتك وأنت بيدك تقطع الوصل وتمده
شعر
December 8th 2014, 2:20 am
ي رب لا تـحـرم عيـونـي مـن الجـنـه و اكـرمني بعطفك ولطفك وغـفـرانـك م يغفر الـذنـب غيرك و انت ذو المنه سبحانك الــواحــد الغفـار سبحـانـك
شعر
December 8th 2014, 2:19 am
سـبّـح وهـلل واذكـر الـلّـه دقـايـق ما ظن تاخذ وقت يامضيـع الوقـت واطلب جليل الملك لاصرت ضايق عسى يفرج ضيقتـك كـل ما ضقت
شعر
December 8th 2014, 2:18 am
حظ من نام و تهنى في منامه واخر اعماله قبل نومه . . . وتر تنفعه ، لا كفنوه بوسط / خامه جوف قبرٍ ما يجي عرضه متر !
شعر
December 5th 2014, 10:56 pm
